«Алтын қалам 2024» байқауына жұмыстар қабылдау аяқталды

Б

айқау жеңімпаздарының есімі желтоқсан айында жарияланады.

  Биыл байқауға қазақ тілінде жазылған жұмыстар қыркүйектің 05-нен бастап, қарашаның 20-не  дейін қабылданды. Енді оқырмандар қараша айының 25-не дейін дауыс бере алады.

Екі жарым ай ішінде байқауға барлығы 201 шығарма келіп түсті.

Бұл туындыларды  www.aqalam.kz  сайтынан таныса  аласыздар.

Сайысқа түскен барлық шығарма аталған сайтта орналастырылды. Әр шығарманы оқып, танысқан сайын автоматты түрде бір дауыс қосылып отырады.

Оқырмандар алты аталым бойынша дауыс береді. Олар: 

1. Жылдың үздік балалар шығармасы

2. Жылдың үздік поэзиясы

3. Жылдың үздік прозасы

4. Жылдың үздік сатирасы

5. Жылдың үздік фантастика және детектив шығармасы

6. Жылдың үздік киносценарийі және драматургиясы

Дауыс беру аяқталған соң әрбір аталым бойынша үздік деп танылған алты  шығарма таңдап алынады. Қазір қазылар конкурс материалдарымен танысып жатыр.

Нәтижесінде әр номинация бойынша жеңімпаздар жасырын дауыс беру арқылы анықталады.  

Айта кетерлігі сайыс барысында шығарма авторлары көрсетілмейді.

Байқау жеңімпаздарының есімі желтоқсан айында жарияланады.

«Алтын қалам 2024» әдеби жүлдесінің демеушісі Нұрлан Смағұлов қоры, бас ақпараттық серіктесі «Русское радио».

  Сонымен қатар, биыл жобаға Қазақстан баспасөз клубы, "КТК", "31 телеарна",  «Almaty.tv», Turan TV,"Меломан" сауда желісі, Standard.kz YouTube арнасы, «Сапалы Қазақстан» порталы, Қазақстан Медиа Академиясының  қолдау көрсетіп отыр.